HY 
RU 
Օրթոպեդիկ ստոմատոլոգիան զբաղվում է կորցրած կամ վնասված ատամների վերականգնմամբ և փոխարինմամբ, ինչպես նաև բերանի խոռոչի ձևախախտումների շտկմամբ։ Դրա հիմնական նպատակն է վերականգնել ոչ միայն ծամելու և խոսքի ֆունկցիաները, այլև ապահովել գեղեցիկ ժպիտ և բարձրացնել կյանքի որակը։
Այս ոլորտը ներառում է`
Արհեստական պսակը ատամի անատոմիական ձևով «շապիկ» է, որը ծածկում է վնասված, թույլացած ատամը: Այն ատամի պրոթեզ է, որով վերականգնվում են ատամի պսակի անատոմիան, ֆունկցիան, իսկ անհրաժեշտության դեպքում՝ կոսմետիկան:
Կիրառման ցուցումներն են՝
Կամուրջը փոխարինում է մեկ կամ մի քանի բացակայող ատամները՝ ամրացնելով արհեստական ատամը (կամ ատամները) հարակից բնական ատամներին կամ իմպլանտներին: Կամրջաձև պրոթեզը բաղկացած է հենակետային տարրերից, որոնք ֆիքսվում են հենակետային ատամներին, և միջանկյալ մասից, որը լրացնում է առկա դեֆեկտը:
Կիրառման ցուցումներն են`
Պրոթեզները արհեստական ատամներ են, որոնք վերականգնում են մասնակի կամ լրիվ անատամությունը: Դրանք կարող են լինել մասնակի կամ լրիվ շարժական, ինչպես նաև անշարժ ֆիքսված հենարան ատամների կամ իմպլանտների վրա:
Երկարակեցությունը՝
3D սկանավորումը թույլ է տալիս մեր կլինիկային պատրաստել օրթոպեդիկ կոնստրուկցիաներ, որոնք ունեն առավելագույն ճշտգրտություն՝ բարելավելով հարմարավետություն և կայունություն: Հաջող խնամքի դեպքում այս կոնստրուկցիաները կարող են ծառայել շատ տարի՝ հաճախ 10–20 տարի պսակների և կամուրջների դեպքում և 5–10 տարի պրոթեզների դեպքում: Առավելագույն երկարակեցություն ապահովելու համար անհրաժեշտ է ինչպես լավ հիգիենա,այնպես էլ պարբերական ստոմատոլոգիական զննումներ և ճիշտ կիրառում:
Առողջ ատամներն ու գեղեցիկ ժպիտը Ձեր արտաքինի ներդաշնակության կարևոր բաղկացուցիչ մասերն են: Եթե ատամների ինչ-ինչ հիվանդություններ Ձեզ զրկել են անթերի ժպիտ ունենալու հնարավորությունից, այստեղ օգնության է հասնում էսթետիկ ստոմատոլոգիան:
Ժամանակակից ստոմատոլոգիան, բուժման հիմնական մեթոդների հետ մեկտեղ, յուրացրել և լայնորեն կիրառում է միկրոպրոթեզավորման մեթոդները, որոնց թվին են պատկանում վինիրների տեղադրումը, որոնք ատամնաշարին հիանալի տեսք են հաղորդում:
Վինիրը թարգմանաբար նշանակում է «պաշտպանող ծածկույթ» կամ երեսպատում: Ժամանակակից նյութերով պատրաստված այս կոսմետիկական երեսպատիչների ծառայության ժամկետը բավականին երկարատև է:Վերականգնման այս մեթոդը շարունակում է բարձր պահանջարկ վայելել` անցավ լինելու և կարճ ժամկետում առավելագույն էսթետիկ արդյունք ապահովելու հետևանքով:
Միկրոպրոթեզավորման մեջ վինիրների օգտագործման ցուցումներն են՝
«Արեգակ»–ում մենք առաջարկում ենք երկու տեսակի բարձրորակ վինիրներ՝ կոմպոզիտային և կերամիկական։ Յուրաքանչյուրն ունի իր առավելությունները, և մենք կօգնենք ընտրել այն տարբերակը, որը լավագույնս կհամապատասխանի Ձեզ։
Անկախ նրանից, թե որ տեսակը կընտրեք, երկու տարբերակն էլ կօգնեն Ձեզ ձեռք բերել գեղեցիկ ու ինքնավստահ ժպիտ:
Միկրոպրոթեզավորման տվյալ մեթոդը պատկանում է էսթետիկ ստոմատոլոգիայի ոլորտին, նշանակում է,որ այն ատամների և լնդերի հիվանդությունների դեպքում հիմնական լուծում չի կարող հանդիսանալ: Տվյալ մեթոդի օգնությանը դիմելուց առաջ հարկ է նախապես լրիվ բուժել ատամները:
Եթե ունեք այլ հարցեր, այցելեք «Արեգակ» ստոմատոլոգիական կլինիկա խորհրդատվության համար: Դուք կստանաք Ձեզ անհրաժեշտ ինֆորմացիան և անհրաժեշտության դեպքում բուժման պլան կմշակեք բժշկի հետ:
