«Արեգակ» ստոմատոլոգիական կլինիկայում մենք տրամադրում ենք հղիության ընթացքում անվտանգ և անհատականացված խնամք։ Մենք հասկանում ենք հղիության յուրահատուկ նրբությունները և անում ենք ամեն հնարավոր բան՝ ապահովելու թե՛ Ձեր, և թե՛ Ձեր երեխայի անվտանգությունը ցանկացած բուժման ընթացքում։
Ճիշտ մոտեցման դեպքում հղիության ընթացքում ատամնաբուժական բուժումները անվտանգ են և հաճախ խորհուրդ են տրվում։ Չբուժված խնդիրները կարող են հանգեցնել բորբոքման, ցավի կամ վարակների, որոնք կարող են բացասաբար ազդել ինչպես մոր, այնպես էլ պտղի առողջության վրա։
Լավագույն ժամանակը ատամնաբուժի այցելության համար
Երկրորդ եռամսյակը (14–27 շաբաթ) համարվում է ամենաանվտանգ և հարմար ժամանակը։
Անհրաժեշտության դեպքում համագործակցում ենք Ձեր գինեկոլոգի հետ՝ ապահովելու լիարժեք անվտանգություն։
Հիմնական միջամտություններն ու դրանց անվտանգությունը հղիության ընթացքում
Ատամների մաքրում և զննում
Պարբերական մաքրումն ու զննությունն անվտանգ են և խորհուրդ է տրվում հղիության ողջ ընթացքում՝ նվազեցնելու հղիության հետ կապված գինգիվիտի և խոռոչների առաջացման ռիսկը։
Լցավորումներ և վերականգնումներ
Կարևոր միջամտությունները՝ կարիոզ խոռոչների կամ կոտրված ատամների դեպքում, կարելի է իրականացնել հղիության համար անվտանգ նյութերով և անզգայացման միջոցներով։
Ատամի հեռացում
Ատամի հեռացումն իրականացվում է միայն անհրաժեշտության դեպքում (օրինակ՝ ցավ, վարակ կամ բորբոքում):
Շտապ բուժական միջամտություններ
Ցավ, այտուցվածություն, ատամի բորբոքում կամ վնասվածք նկատելու դեպքում անմիջապես դիմեք մեզ։ Բարդությունները կարող են բացասաբար ազդել հղիության ընթացքի վրա, իսկ մենք կտրամադրենք անվտանգ և ժամանակին օգնություն։
Ատամի արմատի բուժում
Եթե առկա է արմատի բորբոքում կամ վարակ, հնարավոր է, որ անհրաժեշտ լինի արմատի բուժում։ Այդ դեպքում մենք մանրամասն ուսումնասիրում ենք ձեր վիճակը և համաձայնության դեպքում՝ բժիշկ-գինեկոլոգի հետ, անցկացնում ենք միջամտությունը։
Տեղային անզգայացում
Տեղային անզգայացնող միջոցները՝ ինչպես օրինակ լիդոկայնը, կարելի է օգտագործել հղիության ընթացքում՝ հատուկ թույլատրելի չափաբաժիններով։ Ընդհանուր անզգայացումը կամ սեդատիվ միջոցները չենք կիրառում առանց հատուկ ցուցման և բժշկական հսկողության։
Ինչ բուժումներն ենք հետաձգում մինչև ծննդաբերությունը
Այս բոլոր պրոցեդուրաները կարելի է կատարել ծննդաբերությունից հետո՝ լիարժեք հարմարավետության և անվտանգության պայմաններում։
Մեր մոտեցումը հղի պացիենտների հանդեպ
Մեր թիմը պատրաստ է զգույշ, անվտանգ և վստահելի օգնություն ցուցաբերել Ձեզ այս կարևոր փուլում։
