HY 
«Արեգակ» — ում կիրառում ենք ժամանակակից Digital Smile Design (DSD) տեխնոլոգիան՝ ստեղծելով հնարավորություն յուրաքանչյուրին տեսնելու, պատկերացնելու և հասնելու երազանքի ժպիտին։ Համատեղում ենք գիտությունը և էսթետիկ արվեստը, որ արդյունքները լինեն թե՛ գեղեցիկ, թե՛ բնական։
Digital Smile Design -ը թույլ է տալիս իրականացնել դեմքի և ատամնային կառույցների մանրակրկիտ վերլուծություն` օգտագործելով ժամանակակից վիդեոգրաֆիա և թվային տեխնոլոգիաները:
Թվայնացման ընթացքը՝
Օգտագործվում են բարձր լուծաչափով լուսանկարներ, 3D ներբերանային սկանավորում և դեմքի քարտեզագրում՝ ժպիտի և դեմքի համաչափության բոլոր մանրամասները գրանցելու համար։
Մեր մասնագետները հատուկ ծրագրային ապահովման միջոցով նախագծում են ժպիտ, որը համահունչ է Ձեր դեմքի էսթետիկային և ֆունկցիոնալ պահանջներին և ամենակարևորը՝ երազանքներին։
Առաջարկվող ժպիտի ֆոտոռեալիստիկ սիմուլյացիան կամ մոկ-ափը հնարավորություն է տալիս նախապես տեսնել և հաստատել նոր ժպիտը՝ անհրաժեշտության դեպքում առաջարկելով փոփոխություններ։
Թվային պլանը ուղղորդում է վերականգնողական կամ էսթետիկ միջամտությունները՝ ապահովելով բարձր ճշգրտություն և կանխատեսելի արդյունքներ։
Digital Smile Design -ի առավելությունները ժամանակակից ստոմատոլոգիայում
Digital Smile նախագծումը հիմնված է ստոմատոլոգի և հիվանդի միջև լիարժեք համագործակցության վրա: Ի վերջո, հենց պացիենտի ցանկություններն ու կարիքներն են որոշում վերջնական արդյունքը, որը ցուցադրվում է մոդելավորման ընթացքում:
