Ներբերանային սկանավորում

Ներբերանային սկանավորումը ժամանակակից, ոչ ինվազիվ մեթոդ է, որի միջոցով ստեղծվում է ձեր ատամների, լնդերի և կծելու բարձր ճշգրտությամբ 3D թվային մոդել։ Այլևս անհրաժեշտ չեն տհաճ և անհարմար սիլիկոնային չափսանյութերը։ Փոխարենը մենք օգտագործում ենք ձեռքով աշխատող սկաներ, որը զգուշորեն անցնում է ատամների վրայով և ընդամենը մի քանի րոպեում ապահովում մանրամասն և ճշգրիտ պատկեր։

«Արեգակ» ստոմատոլոգիական կլինիկան համալրված է վեցերորդ սերնդի նորագույն TRIOS® թվային ինտրաօրալ սկաներով, որը օգտագործվում է բերանի և ատամների թվային ճշգրիտ չափագրումներ կատարելու համար։ Այն փոխարինում է ավանդական սիլիկոնային չափսանյութերը՝ առաջարկելով ավելի արագ, հարմար և հիգիենիկ գործընթաց ինչպես ատամնաբույժի, այնպես էլ պացիենտի համար։

Անկախ նրանից՝ պլանավորվում է բուժում պսակով, կամուրջով, վինիրներով, իմպլանտներով կամ այլ ստոմատոլոգիական կոնստրուկցիաներով, սկանավորումը թույլ է տալիս պլանավորել և իրականացնել բուժումն ամենաբարձր մակարդակով։

Ինչպե՞ս է կատարվում սկանավորումը։

Գործընթացը շատ պարզ և հարմարավետ է՝

• բժիշկը բացատրում է ընթացքը,
• փոքր տեսախցիկ-սկաները տեղադրվում է բերանի խոռոչում,
• բժիշկը աստիճանաբար շարժում է այն ատամնաշարի երկայնքով՝ ֆիքսելով ատամների և լնդերի մակերեսը,
• սարքը վայրկյանում հազարավոր լուսանկարներ է անում և միավորում է դրանք՝ ստեղծելով եռաչափ պատկեր։
• Տվյալները մշակվում են հատուկ ծրագրի միջոցով,
• Էկրանին իրական ժամանակում ձևավորվում է ճշգրիտ 3D մոդել, որը թույլ է տալիս անմիջապես տեսնել ձեր ատամների վիճակը։
• Պատկերը պահվում է, մանրակրկիտ ստուգվում և ուղարկվում լաբորատորիա, որտեղ պատրաստվում է անհատական լուծում հենց ձեզ համար։

Սկանավորումն ընդամենը տևում է 5–10 րոպե ։

Ե՞րբ ենք օգտագործում սկանավորումը։

Սկանավորումը կիրառվում է մի շարք միջամտությունների ժամանակ, այդ թվում՝

• Պրոթեզավորում՝ պսակներ, կամուրջներ, վինիրներ, պրոթեզներ
• Իմպլանտների վերականգնում՝ օգնում է պլանավորել իմպլանտի ճշգրիտ տեղադրումը և դիզայնը
• Օրթոդոնտիկ բուժում՝ էլայներներ, ֆիքսատորներ կամ բուժման պլանավորում
• Կծվածքի վերլուծություն,որ գնահատենք՝ ինչպես են Ձեր ատամները միանում միմյանց
• Ժամանակի ընթացքում փոփոխությունների հետևում՝ օգտակար է տարիների ընթացքում համեմատական մոնիտորինգի համար

Ինչու՞ է թվային սկանավորումը  լավ  ընտրություն։

Հարմարմարավետություն
Թվային սկանավորումը արագ է, մաքուր և չի առաջացնում գրգռում կամ անհարմարություն։

Բարձր ճշգրտություն
Թվային մոդելներն առավել ճշգրիտ են՝ ապահովելով ավելի բնական արդյունք։

Արագություն
Սկաներն ուղարկվում են լաբորատորիա անմիջապես, ինչը կրճատում է սպասման ժամանակը։

Հարմար է նույնիսկ ատամների և լնդերի զգայունություն ունեցող պացիենտների համար։

«Արեգակ»-ում մեր փորձառու և հոգատար թիմը կապահովի Ձեր բուժման բարձր ճշգրտությունը, հարմարավետությունը և երկարակեցությունը։